منتدى جريح هجر
في ليلة عرسها تبكي 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدى جريح هجر
سنتشرف بتسجيلك
شكرا في ليلة عرسها تبكي 829894
ادارة المنتدي في ليلة عرسها تبكي 103798
منتدى جريح هجر
في ليلة عرسها تبكي 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدى جريح هجر
سنتشرف بتسجيلك
شكرا في ليلة عرسها تبكي 829894
ادارة المنتدي في ليلة عرسها تبكي 103798
منتدى جريح هجر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخولالتسجيل

 

 في ليلة عرسها تبكي

اذهب الى الأسفل 
2 مشترك
كاتب الموضوعرسالة
بنت كول على طول
عضو جديد
عضو جديد
بنت كول على طول


انثى
عدد المشركات : 2
الرصيد : 4

في ليلة عرسها تبكي Empty
مُساهمةموضوع: في ليلة عرسها تبكي   في ليلة عرسها تبكي Emptyالجمعة أكتوبر 23, 2009 5:42 am

في ليلة عرسها تبكي ..

حزينه وقلبها يحكي ..

تقول الحمد لك ربي على كل حال ..

على الصحه .. على النعمه ..

على قلب(ن) شكى همه ..

وصبرٍ طال ..

تجيها أمها وتقول :

خلاص يا بنيّـتي إنسي ..

قوّي قلبك الحاني وإقسي ..

نصيبك هو نصيبك ..

ما بيدينا شي ..

ولو كان الله كاتب لك حبيبك ..

ما وقف في دربكم شي ..







تجاوبها :





أبي أعرف ..

أبوي وش اللي استفاده الحين .. !

لو ذابحني كان أبرك ..

وزوجي .. وش ذنبه المسكين !

يعيش باقي العمر .. مع جثه تتحرك .. !

عليك الله يا يمّه .. قوليلي اشلون اضمّه .. !

واذا ودّه يكلمني .. وشاف دموعي فـ عيوني ..

قولي اشلون اكلمه .. !

واذا ناداني بإسمي ..

وانا أخطيت في إسمه ..

يا ترى وش موقفه مني ..

وهو يسمع اسم غيره .. !





تجيها أمها وتقول :

خلاص فضيها من سيره ..

خلاص يا بنيّـتي إنسي ..

قوّي قلبك الحاني وإقسي ..

نصيبك هو نصيبك ..

ما بيدينا شي ..

ولو كان الله كاتب لك حبيبك ..

ما وقف في دربكم شي ..

بقولك شي يا يمّه ..!

وخليها من الأسرار ..

أبكتب له رسالة شوق ..

بشاكيه الألم والعوق ..

عقب ما أنتهي منها ..

بكل الحرص أرسليها ..

وخبيها عن الأنظار ..

وابي منّك وعد صادق ..

توصليها لذاك المغرم العاشق ..

وبعد ما يوصلك ردّه ..

على طول بلغيني بآخر الأخبار ..

ربع ساعه يا يمّه .. !

عطيني بس ربع ساعه ..

أبكتب له عن اللي طفّى ما في القلب ولاعه ..

أبكتب له الين دمع القلم ما يجف ..

تعالي بعدها واستلمي ما في الظرف ..

وكتبت من حزنها ابيات ..

تقول فيها ..







سلاماتي .. تحياتي .. وأشواقـي الشديـده

على اللي روحه قبالي .. وأنفاسـه بعيـده





على اللي افترقنا غصب عن عيني وعينـه

بعد ما كنت انا وهو نحلم بلحظـه سعيـده





بعيش بغربتي لحالـي .. وهـو الله يعينـه

يكمّل نصفه الثاني .. ويلقـى مـن تريـده





مثل ما قالت امـي .. مـا لنـا إلا قدرنـا

والا من زمـان المفتـرض إيـدي بإيـده





يسامحك الله يالوالد .. علـى عمـرٍ قتلتـه

بعد ما ماتت ابنيتك وش اللـي بتستفيـده ؟





أنا آسفه على اعذاري .. وربي غصب عني

نعم بتزوّج فلان .. بس بعيش عمري وحيده





محّد ممكـن انّـه يمـلا عيونـي بدونـك

تذكّر كلمتي هذي .. أنـا فـحبّـك شهيـده





تذكّر كلمتي أرجوك .. لأنها مـن فـؤادي

فؤادي اللي ذبحوه اليوم.. وطعنوه فـوريده





تذكّر كلمةٍ فيها شعوري ومـا طـرى لـي

أنا فـحبك شهيده .. وذي ترى آخر قصيده









وجتها الوالده عندها ..

وهي تحاول تغض الطرف ..

وتسألها ..

وش اللي بداخله هالظرف .. !

أبيات ..

هي أبيات .. لحبٍ من حياتي فات ..

لحبٍ من حياتي طار ...

بسرعه ارجوك أرسليها ..

وهي تذرف .. دموعٍ نار ..

على هونك يا يمّه ..

على هونك ..

خلاص اطّمني انتي ..





برسل ما كتبتي ..





واستعدّي ..

بعد شوي بيزفونك ..

يزفوني .. !

وربي كان أهون لو يكفنوني .. !!

بعد ايّام ..

تسافر لاجل تقضي في فرنسا .. شهر العسل ..

والمكتوب للعاشق وصل ..!

وهي مع زوجها تضحك ..

وهو من فرحته يضحك ..

يقول افديك انا بـ روُحي ..

وبيتي .. ومالي .. والأهل ..

وهي تقول اشكرك بالحيل ..

لأنك من جديد .. رجّعت في قلبي الأمل ..

وساعه بعد ساعه ..

فرحتهم تزيد ..





في الصبح يتجولون من باريس .. لحتى ليل ..

وفي الفندق .. يشربون قهوه بالهيل ..

بعدها يسهرون .. كل الليل ..

وحانت ساعة الردة ..





بعد ما طالت المدة ..





وموعدهم بعد ساعات ..

لاجل ما توصل الرحله على أرض الرياض ..

وأول ما وطوا أرض المطار ..

من الفرحه بكوا ..

واستقبلوهم أهلهم باحضانهم ..

سلامات .. سلامات .. عساكم بس تهنيتوا ..

يجاوبهم ... الله يسلمكم ..

والحمد لله الهنا في حجرنا بات ..





تطير البنت ناحية أمّها ..

اشتقت لك حيل يمّه ..

وهاتي حضنك الدافي ..

ترى مشتاقه أضمّه ..

وعلميني عن احوالك ..

عن اخبارك .. عساك بخير .. !

بخير يا بنيّـتي .. دامك بخير ..

بس ما سألتيني .. !





خير يا يمّه .. خير .. !





نسيتي إنك ارسلتي رساله ..





قبل ما ترحلين بخير وسهاله .. !

صحيح ... توني تذكّرت .. !!!

أرسل لك جواب .. !

بعد ما ارسلتها ..

صرت انتظر منّه خطاب ..

ومرّت ايام وليالي وساعات ..

بعد مدّه .. شهر أو يمكن شويه يزيد ..

لقيت نفس الرساله .. عند صندوق البريد ..

تقول : لم يقرأها أحد .. !!

قلت بنفسي اتأكّد ..

وصلت لباب منزلهم ..

وكلّمني اخوه محمد ..

عرفتي ليش ما في حد .. قرا الابيات .. !

في نفس اليوم لي إنتي تزوجتي ..

وكنتي حيل مغتمّه ..

حبيبك ما قدر يتحمّل الصدمه ..

مع كل الأسف [مات] ..
الرجوع الى أعلى الصفحة اذهب الى الأسفل
zoOoOz
مشرف قسم العام
مشرف قسم العام
zoOoOz


ذكر
عدد المشركات : 61
الرصيد : 80

في ليلة عرسها تبكي Empty
مُساهمةموضوع: رد: في ليلة عرسها تبكي   في ليلة عرسها تبكي Emptyالثلاثاء نوفمبر 03, 2009 10:23 am

يعطيك الف عاااافيه

سلمت يمينك
الرجوع الى أعلى الصفحة اذهب الى الأسفل
 
في ليلة عرسها تبكي
الرجوع الى أعلى الصفحة 
صفحة 1 من اصل 1
 مواضيع مماثلة
-
» ليلة الزفاف قصة حزينه
» السجدهـ التي تبكي الشيطآن ..!

صلاحيات هذا المنتدى:لاتستطيع الرد على المواضيع في هذا المنتدى
منتدى جريح هجر :: المنتديات الأدبيه :: منتدى الشعر و الخواطر-
انتقل الى: